I Strichèt o Pighèti

Còl ch 'a ' gh vōl

Fê la fujêda cme l'é al vôster sôlit in pió ed la farèina metîgh

20 grâm ed Grâna radû per ògni 100 grâm ed farèina e un psîgh

ed nōşa muschêda. Tirêla mìa trôp sutîla, cun la rudlèina fê di

ròmb ed 2 - 3 centémetr ed lê, strichê ind al mèz, cuşî in un brôd

ed chêrna e infurmajê cun dal bòun Grâna, opór cusî ind l' âcva

salêda cundî cun butêr o cun dal bòun ragó e sèimper furmâj Grâna.

Curioşitê

Quând, despès al j amzûri êren mìa trōp precîşi, a gh ' armagnîva ed la sfòja dôp avèir finî al pést, di caplèt o di turtê, a 's sintîva la 'zdōra dîr: ''Cun còsta (pâsta) a fòm un pô ed pighèti ch' a i magnòm a sèina cun al butêr a un bèl pô ed furmâj''

E... bòun aptît!