La Spunghêda

 (Prèma pêrt)

Còl ch' egh vōl pr'al pést

 

100gr. ed mēl

50gr. ed biscôt sèch

50 gr. ed mândli

50 gr. ed nisōli

50 gr. ed nōşi

30 gr. 'd arâns candî

30 gr. ed cēder candî

1 cucêr ed pgnōl

1 cucêr 'd óva pâsa

1 bicirîn ed cognac

Canèla in pōlvra

Coriândol in pōlvra

Nōşa muschêda radûda

Pèiver

   

Preparasiòun dal pést:

sbuintêr e plêr al nōşi, al mândli, al nisōli e i pgnōl. Tajêr a dadlèin i candî. Fêr inmurdbîr  in âcva tèvda l'óva pâsa, pó strichêrla. Şbrişlêr i bişcôt sèch. Vudêr al mēl in 'na tigîna, bagnêr cun al vèin, fêr bòjer, dōp şbasêr la fiâma e unîr i biscôt sèch, al nōşi, al mândli, al nisōli e i pgnōl. Insavurîr tōt cun la nōşa muschêda radûda la canèla in pōlvra. Zuntêr a la preparasiòun al côgnach, i candî e l'óva pâsa. Şmercêr al tót, tirêr vìa dal fōgh e lasêr dvintêr frèd. Vudêr in 'na terīna e quacêr cun un fòj ed chêrta 'd aluméni a lasêr arpunsêr in un pôst frèsch per almēno 24 ōri.

 

Còl ch' egh vōl per la pâsta

 200 gr. ed farèina 00

60 gr. ed sócher

50gr, ed butēr

Ôli bòun 

Sócher a vèil

Farèina e butēr pr' al stâmp

 

Preparasiòun ed la pâsta

Şdasêr la farèina a fêr 'na funtâna in séma 'l tulêr. Mèter al cèinter al butēr inmurbdî, al sōcher, al vèin e al sêl. Impastêr e lasêr arpunsêr al frèsch per cîrca mèz' ōra. Pó divéder l'impâst in dō pêrti óna pió grôsa ed cl'êtra. Cun la canèla stènder i dû pès ed pâsta e fêr un désch  grând e ûn pió céch. Imbutirêr e infarinêr al stâmp rotònd. Fudrêr cun al désch pió grând. Vudêr al pést, spianêr cun 'na spâdla  mòja, quacêr cun al secònd désch, saldêr ind al rudèl e sfuracêr bèin a mōten cun 'na fursèina.

 

Cutûra

Scaldêr al fōren a 190° e mèter a cōşer la preparasiòun per 30 minût. Tirêr fōra dal fōren, lasêr dvintêr frèd dal tót, mèter in sém a 'n piât ed purtêda, spulvrêr cun al sócher a vèil e servîr in tèvla.

 

E... bòun aptît!

La Spunghêda