Sânt'Ilâri

 

In dó l'é

 

Sânt'Ilâri l'é insém a la Via Emélia, tra nôt e sîra e a 17 chilômeter dal cèinter ed Rèz e a 14 chilômeter da Pèrma. Al fióm Èinsa, ch al dà al nòm al paèiş, al cór per pôch chilômetr dèinter al teritôri dal cmûn tra sire e mezdé. Al cmûn, in pió dal cèinter Sânt'Ilâri, l'é fât da frasiòun dal Betlèin, Cà Biânca, Calêren, Cantòun, Cà Paterlèin, Cà Zinân, Castlâna, Ciavgòun, Falcunêra, Gâl, Gaşêr, Gêra, Partidôr, Rampêda e Sân Rôch.

 

Al cunfîna a nôt cun Campēşen, a nôt e a sîra cun Gatâtich, a matèina cun Rèz, a mezdé cun Muntèc e tra sîra e mezdé cun Pèrma.

 

Al cmûn l'é traversê da matèina a sîr da la strêda statela SS 9 - Via Emélia, da la ferovéia Milân Bològna, cun la stasiòun. Arîven int al cmûn al strêdi pruvincêli SP67 da Cavrêra e la SP12 da Muntèc.

Nôta: al stèma dal cmûn ed Sât'Ilâri l' é stê tôt da www.araldicacivica.it e l'avtôr l'é Massimo Ghirardi.