Poeşéi

(utêva pêrt)
Casella di testo: In filos 'd' nans al camen (*) Quand a ghera in dal cius al gugiol prunt da maser col forment in dal graner l'era al giost necesarii cag-vreva per sverner. Sdu in pè-1 camen, per scalders-al gambi e i bras col calor fat dai cavas, ascolteven da-i vécc i proverbi e-1-fìlastrochi e la so storia a memoria. Guai ster le cun gnint-da fer, curioser col man in man sol atenti per scolter. Chi pseva i vistii s-cianch, chi féva su 'd'la trèsa opure al scapinèli, chi solev-i troclòn 'd'lègn, tut insèm, zoven e vécc, t-gnev'n-impgnee man e orècc. Stér pò le in moviment al calden fat dal camen, lengua gola e canaloss is sugheven, i gneven sut; La resdora malisiosa, la partiva in sordena, la brancheva al piston, l'andeva zo in cantena l'al-limpiva ed mèz ven, per tòti "al puntalon" disetand i fìloseer un a un c-nal stèss biceer cun 'na s-cèt'arcmandasion: -sughev-mò-a-mot i sbafi e an perder mea 'l-stafì! Sergio Subazzoli (*) dal léber :"Il tempo dei padri" Casella di testo: Al cariol p'r-ander al casèl (*) Un 'erch ed fèr a mésa luna cun tachee do rodi 'd lègn cun intoren un sercc ed fèr infìledi in di so mòss, tgnudi fermi da du suèii. Un-et'r-erch orizontel imbroctee a novanta gred cun un manegh fat c'n'un pel, sul davanti in spicolon al so gancc per al bidon. Longh o curt, brot o bèl, al vreva fat acsè per porter matena-e sira al lat munt in dal casèl. Sergio Subazzoli (*) dal léber : "Il tempo dei padri" Casella di testo: Specialitee Arzani (*) "Pan fresch persòt, formai grana e lambrosch ". L'è un dét c'l'è vecc, c'mel pan dal còch e spol dir a elta vos, sensa p-cher ed presunsion che d'imiteri an n 'è bon nison, in tut al mond ien i miglior per la bontee-el so savor. Al merit, 'l-va a la tèra, e a tut la nostra gent. La risèta 'd'ingredient?: Tanta vòia 'd'fer: "unt ed gòmet e al set camisi da suder". Dal cheld dal frèd dal vent d'l'umiditee, ag-nè da per tut, per tuti, un pò pron, a seconda dal stagion. Però sol che in d'la tèr-Arzana las-trasforma in tanta mana. Sergio Subazzoli (*) dal léber: "Quand al dialét l'era 'l pan di povrét" Casella di testo: In cuseina (*) A brountla un gran paról sott al camein, A gh' é tegin e dgam souvr ai furnée; As seint per la cuseina un udurein Ch' al blèdga fin in fonda int i budée. L' é in ovra tótt el pgnatt, tótt i pgnatein, Mée mujera la scapa avanti e indrée ; La giósta '1 fogh, la taia i figadein, La dà di cmand, la 'm baca in zémma ai pée: "S-cióma la pgnata, só, rad al furmai E tend a cóll tegin : s' al brusa, guai !" E meinter mé e lavour com' un danèe A fèr al cógh, tótt bsunt, imbarbéschèe, As seint un zigh : "Infam ! Et l'iva détt.... Et m' èe lassèe busèr tótt al soffrétt ! " Amerigo Ficarelli (*) dal léber: "La vèta 'd l'òm" Bizzocchi Editore 1975 Casella di testo: La rutamasiûn (*) Apèna jêr a m’era gnû int la mênt ch’a s’ pudrê ‘nca scampâr fîn dòp i sênt, semper šùvne, rubúst, svêlt e gajârd, sensa duvêr avêr di gran riguârd, manî al tròt, al galòp e sùta al stanghi, semper dispost a tirâr sú bên al màndghi. Ma l’è sucès un quèl ch’al m’ha avilî: “Và via d’int i pê, vè-c imbambî! Ta n’ vèd che t’ fê ‘na múcia d’ cunfušiun? Scâns-te ded chì, và a la rutamasiûn”! Un s-cèl d’aqua giasâda int al cupîn L’arê fàt meno mâl. E cul sbafjîn Ch’a s’ dêva l’ària d’èsre al Padretèrne, me i’ l’arê mandâ drìt a l’infèrne, a côšre tút al têmp fin ch’al srà vîv, sênsa gnân stâr lì a dâgh d’incentîv! Ma a la fîn i’ ho pensâ ch’l’îva ragiûn; e me i’ m’ sûn mìs a sèdre int un cantûn cun l’aria d’ cúl ch’al sêrca un pô d’arpôš, ma cun un grân magûn infùnda al gôš! Savino Rabotti (*) da: www.dialettando.com Casella di testo: Un silénsi che parla (*) Silénsi dre a la véja ch'la vén d'indùa 'd paz en ga n'è méja. Silénsi 'd guèra, silénsi ad puvertaa, un silénsi che sbràja dignitaa. Zénta che adès l'an gh'à pù gnent, zénta che e vént pian pian e cùcia vers l'adman, damand na man che sensa tucar, sensa ch' l'às sénta, la cumpàgna un putin ch' l'è dree imparar a star drét, e apèna a caminar. Na dòna l'às invéja a testa bàsa, un fasulàt in cò, par man ninsun, p'r andar vérs un gnent ch l'è tùtt da arfar e p'r insugnar che dman e riva pròma dla paiura, che végna l'ura che e lavur l'impésa la giurnada e e vod d'un'anma devastada. Un pas dre a cl'àter, i bras lasaa cascar ai fianch, suquan-c astras, menter 'na lùsga un poo sbiadida ch' la par avègh sent an, ma apèna nasuda, adasi la ven zò da che sguard féss: e sul e la suga e pò e sparéss. Maria Teresa Pantani (*) da: www.dialettando.com Casella di testo: Regium Lepidi (*) Al Regium, al prém Rèz, l’éra forme da un «Castrum », campameint per i suldè, cun al sò tòri, i sò trincerameint, organisè come da regolameint. Ed fianch, cun un puchin pió ’d libertè, gh’éra al barachi di «specia1isè»: technich, inz-gnér di pûnt, dagli òvri, ed scòl: tòta la ginta e ’l materiel che ’gh vòl perchè ’na strèda piastrelèda sia degna ed ciamères ’na «romana Via». Da clètra pèrt dal fióm, gh’éra al quartér dagli òvri: steradór, caretér, bovèr e muradór e piastrelésta. E ’l gran marchè per i alimentarésta. Enzo Rozzi

(*) dal léber:  ''Stôri Arzàni''

                       Bizzochi Editore

Sètima pêrt

Rôba 'd cà nôstra

Nôna pêrt