Poeşéi

(sètima pêrt)
Casella di testo: L' associaziòun dla stampa (*) L' è gnuda só anch a Rezz st' associazioun Ch'l'è come la tavlòza d'un pitour Perché l' unéss, e seinza distinzioun, Al bianchi, a'l nigr, al ross, tótt i culour. Acsé e vedrom insèm bregh e sutana, Chi vói al fiour, chi 'gh pies deppió la pianta... Pr eseimpi: Boriamoli e Doun Funtana, Ch'a sré cme dir al dievl e l'acqua santa. Acsé e vedrom despèss feres l'ucin Bujerd e Marmiroli dal Carlein, Meintr as vedrà, sicur, fers al buchin Lari da un cò, da cl'eter Prampulein. Solindo Signoretti, al marchigian, Ch'l' é 'l Segretari, al mettrà zò i verbèe Che sran tenrein e doulz cme 'l marzapan... al sóo spulvrein?... Dal zóccher raffinèe. Al cavalér Bedeschi, Presideint, Che tanti gatt da pler la tôt a man. L'a tôt anch costa, e 'l dis ch'l' é stracunteint., La per 'na gata bouna come al pan. E 'l ciaparà a brazett i probivir: Coun l'avvuchet Bellózzi l'andrà a spass, Coun al barboun Villani l' andrà in gir... Che véta al tgnira fèr pr ander al passi... A m'è davis 'd sinteir: Mò che armes-cianza, Mo che pastézz, che straza ed cunfusioun... L' é roba eh' la fa gnir al mèl ed panza, L'é roba da fèr bevr ai piò mincioun! E screven tótt 'i dé roba da ciold, S' n 'indisn adrée tótt quant sett e pó quater... Per coli ch' a costa un foi - soul quater sold - As g'a comedia e fersa cme a teater. Mò cma farani, dzî, se 'n n' in ruffian, Se 'n n' in cme zerti donn... es som inteis, Truvers insem tótt quant, strichers el man Dop es'sres insultèe coun zeint uffeis? Oppur, per fèr di sold, per ambizioun, Casella di testo: Ed giourn es fani el pólgh in tla camisa Per réder pó a la nott adrée ai mincioun?... Fani mò forsi, dzî, cme i ledr ed Pisa?... Mó no! L' é basta cgnossri un brisinein Per veder ch'in in fonda boun ragazz. Luntan, in péz di turch, quand in asvein In prount a dèr al cór, a arvir i brazz. In tótt un pô poeta, spensierèe, Un pô bohémien, e g' àn dal D'Artagnan. Prount a tirerv un coulp se i arljée, Prount a scurder un tort, a der la man. E mounten a cavali, e van 'd galop Quand a sré basta ander soul pian pianein, E dan un gran s-ciafoun, quand a sré trop Na scopla, un crécch, mettom anch un smaflein. Del volt en 's cgnossen miga e alloura zò La durindana, fóra un gran spadoun. Mó quand e s'in cgnusù 'na volta... tò E tosn a man la boza e di'oli boun. L'Associazioun dla Stampa appunt l'é nèda Perché sti ragastazz se staghn asvein, Perché 's sustegnn insèm loung a la strèda, Perché che 's cgnossen amót, che 's voien bein. Trop' armes-ci'anza forsi e trop culour?... L'arcobaleno?... Già, propria cost ché, Ch' al vin dop la tempesta e dop l' urrour, Ch'ai bèsa coll che 'l fulmin al s-cianché; Ch'l'è segn ed festa, ed srein, d' amour, ed pês Ch'a pêr ch' i unéssa 'l mond in t'un abbrazz... Strichev pór só, ragazz e dev un bês: Coun tant culour, a sra pió bel al mazz. Amerigo Ficarelli (*) da la "Provincia di Reggio" 1922 Casella di testo: La cariuola (*) Un léder ch’l’iva vist ch’ in d’un pulér A gh’era deinter del galéin padvani, As méss in méint d’andéregh a robér Per véder si eren miouri del nustrani. To’ la carioula e, adesi, al va a tintér. Mo in t’la carioula a gh’era di malani E la roda la dgiva int’ al girér: « Et catarani, po’! Et catarani ! » Apéina principié l’operasiòun, A’t capitè la bruta prospetiva D’un vilàn ch’ad de’ adre’ con un bastòun; Al leder, ‘d’coursa, al’s dové tor d’ed lè E int’al correr la roda la ghe dgiva: « A ‘tlo dit, me! A ‘tlo dit, me ! A tlo dit, me! » Franceschini Emilio (*) Da l’ ”Almanacco di Mingoun da Bibian” Casella di testo: La Gèra (*) Quand è scopiè 'l mìracol ed Marchein, di arzàn in cors in dal Palas dal Doca per d’mandèregh a nòm di sìtadeìn ed fèr ,'na céza. Ló l'éra ’na soca. Mo quand ’s tratèva ed fèr dal donasioun cun i quatrein ed chièt’r, l’éra un Campioun! Al ciama l’architèt che ’l gh’iva a F’rèra, un Sandro Balbo, e ’l gh diz:” Và a vèd’r in Gèra! Tìrom sò quèl che ’l sia dègn ed i arzàn! Badèr mia a spèizi, tant a pagaràn Lor”!. Balbo al gh’iva, deint’r in un casèt, portè da Ròma e complét, al progèt ed Michelangel per San Péd’r. Alora, agh fà ’na firma inséma e ’l li toz fora. Enzo Rozzi

(*) Dal léber:

 ''Stôri Arzàni''

 'd Enzo Rozzi

(Bizzochi Editore)

Sèsta pêrt

Rôba 'd cà nôstra

Utêva pêrt