Dialèt arşân - Poeşéi 4

Poeşéi

(quêrta pêrt)

Casella di testo: Porta Brenoun ! (*) Quand i Romàn în gnù per fundèr, Rèz, al Cròstel l’éra mia dòve l’é adès, mò pera che ’l sò lèt al fòs in mèzz dal Còrs ed G-èra. Al travérsèven spèss di Légionarì e di só caporioun per parlèr cum al càp di Gàì: Brenoun: perchè j éren i Gài che dève'n al man per fèr al strèd trasèdì da i Romàn! Naturalmeint, in dal quartér di Gài, gh’éra anca dal... galèìnì! e i pìò bagai gh’mdèven anch per... s-pnèr e fèrés s-pnèr. Guardè che forsa gh’à la tradisiouin! Perfin ìncòo, in cìrconvallasioun in fònda da cla strèda, as pòl catèr, spécialmeint in istè, dal… pulastrì s-pnadóri e... di arzân s-pnè! Enzo Rozzi

(*) Dal léber:

''Stôri Arzàni''

(Bizzochi Editore)

Casella di testo: La fundasiòun Rèz (*) Da Mòdna a Pèrma l' éra strèda etrósca, mó pér la gìnt dal teìmp l’éra tròp brósca! tóta un só e zò che per cavai e bò éren fadighi gròsi, e per i só padroun éren ’na mócia de spaveint, perchè tròp bòsch a fèven paraveint a bandi, schièv scapè... insòma ’d la gint da tgnir luntan dal strèdi. Come gnint, Marco Emilio l’à vést cun un ucèda. L’à dét: « Ché ’gh dòm una bèla taièda! » L’à fat tòr agli amzuri, e în rivè, in mèz, al Cròstel (’gh vriva un fiòm per la sìtè! e ’l Cròstel l'é còl ch’éra capitè!) e in la só sponda a l’à fundè Rèz! Enzo Rozzi

(*) Dal léber:

''Stôri Arzàni''

(Bizzochi Editore)

Casella di testo: Richin al straser (*) Al gleva semper per tot 'na bona parola al scarseva, al zugheva, al canteva. o-al cunteva 'na fola. Però naseva un dòbi che-l-feva penser; che-l so reder, o 'l-fér reder recitee per mester , Dio sol sa col cagh doveva coster . A la matena-l partiva prest, as deva da fer, per vender, cumprer, barater, ma-1 dop mesdé, pian pianen, al cambieva umor, per aver abusee ed trop quarten 'd-ven. In dal sot sira al torneva indre zaquee a pansa in su, sul cianfrusagli catedi su. Quacee la facia da un capei 'd-paia, quasi al svergognés come-l fos 'na canaia: Sighevel, pensevel, dormivel? ma! sol lo e-1 Pedreteren i saieven dal soo inferen! Forse-l fogheva i ricord d'un brot spavent, quand per dover vers la Patria, in dal stès moment la pers una gamba e per poch anch un occ. Decoree con un tetol quater paroli e promès 'na pension: "na vera miseria 'd-soportasion ". Forse-l penseva a la so cavalena ch-la steva impee apena apena, impicheda-l stanghi dai finiment; l'era tresta e megra stleda, senseter anca lee la gheva a dos quel, la feva tripas dentr-a-un quadrèl. Al dover ubidiensa vers al padron, pian pianen istintiva con un dietrofront la torneva vers cà, pò las fermeva davanti-l porton, silensiosa pasiinta cun i'occ strech come s-la fos in meditasion, squasand sol la cóva, per smarir i moscon. Per al ripos, la speteva-l so turen: la speteva Richin cas liberes dai penser, o dai fom dal ven, dòp fìnalment al gh-deva la mola e per le vreva dir zaqueres in d' la paieda in dal so stalen. Sergio Subazzoli

(*) Dal léber:

"Quand al dialét l'era

'l pan di povrét "

ed Sergio Subazzoli

Casella di testo: Al profum dal pan cot (*) Quand a feven al pan in cà impastè in dia spartora, che masnèven cun la mola la farèina da sdasêr, al gramleven cun al man. A impastèr l'era l'asdôra cla s'alveva su bonôra per sfornerèl in dal mesdé. Fat al pan e mes alvèr a ghera al fóren da scaldèr, agh bruseven di ramagn fin a tant c'an gniva bianch. Dop un pò cl' era infornè, al mandeva na fragransa un profùm, un odorèin...! che as sintiva da luntan. A scosteven un pò al ciondôr, per guarder a che punt l'era e pu al cavèven in dla panera bèin quacé cun un buràs. Fin che al foren l'era cheld, inforneven na gradèla d'ùva bianca, la più bèla l'ùva sèca da invernèr. Quand andeven a ca a disnèr a mesdé, in dal tèimp dal nôs pan e nôs, magnèr da spôs la pietansa di povrèt...! Pan d'un dé e vèin d'un an.. Frèsch cme ùna ed desdôt an. Valentino Bertani

(*) Dal léber:

''Strèla matutèina''

(editōr Cmûn 'd Albinèa)

Rôba 'd cà nôstra