Poeşéi

(secònda pêrt)

Casella di testo: Al decàlogh dal bòun bevdòur (*)

1 Se 't vóo scampèr dimòndi
  e sèimper sân,
  cunsòma a ogni pàst
  dél vèin arzân.

2 Se t'ée zòo ed gîr
  per la malinconìa,
  méttet davànti un léter
  'd malvasìa

3 Se 't vòo guarìr  da tótt
   i tòo malàn
   la medseina l'ée
  'l biànch éd Scandiân

4 Se t'ée in méz a 'na fèsta,
   in't al pió bèll
   stùra 'na butiliòta 'd Puianèll

5 Cun i spaghétt
   fât a la ''carbunèra''
   bévegh adrée un bicièr
   'd scorsamèra

6 Cun i caplétt, al lèss
   e cun al ròst,
   'na butèglia 'd lambròsch
   e t' ée a pòst.

7 Se 't vóo durmîr
   da la sîra a la marèina
   bév un béll biciròt
   ed salamèina.

8 Se 't prém 'd cunquistèr
   'na ragazòta,
   dàgh dal lambròsch
   tajè cun 'd l' anzalòta

9 Pèr al fèst bév dal vèin
   spumànt nustràn
   al 't purtarà fortuna
   per tótt l ân.

10 Cun al vèin ch' a s' fa a Rèzz,
     tîntel in' t la mèint,
     che s' acquèsta in salótt
     e s' ée cuntèint.

(*) Dal léber:

''A 's fa pér môd ed dîr''

ed Mario Mazzaperlini

(Editore Bizzocchi)

Casella di testo: Al sarach… (*)

Al dèsgusten in dal nès…
come magnèr, l'é savori… 
ai rustiven inséma al brès…
ùna sôl… divisa in trii…!

A un..la còva cun la rèsta,
un al mès..sutil cme un véder,
chi ciapeva al pcoun dla tèsta,
al ghiva poch da stèr alègher…

Traviata o Minghina,
bacalà o stacafes,
polèinta rustida…
al tripée inséma al stéss.

Ciamè per dispèt,
al magnèr cal spavèinta,
la sort di povrétt,
sarach… e polèinta.

(*) Dal léber:

 ''Stèla matutèina''

 ed Valentino Bertani

(editōr Cmûn 'd Albinèa)

Casella di testo: L'educazioun (*)

Avanti, só, fa prest, temaledett…
Se 't perd per chès la scóla et voj strupièr!...
Guardèe che léber al g' à cól brótt melnètt…
Mō viglicózz, csa gh'êt, em fêt cherpèr?...

T' é seimper stèe un baraba, un brót soggètt…
Mó sgagèt, só, ch' l' é terd; va là, sumèr.
El só che t' em vóo fèt tótt i dispètt,
Ch' at ciapa un azzideint prémma d' andèr!

Mó sé, va pian, puvrein, ch 'at vègna 'l roch!...
Cóll stópid et tóo pedr al gh' à ragioun:
A mettrèt l' anma in man l' é incòra poch.

Fa prest, e mèrs a scóla, lazaroun,
E dégh a la tóo meistra, a cóll bèll stoch,
Ch' la próva a dert almanch dl' educazioun.

(*) Dal léber:

    ''La véta e dl'om''

   'd Amerigo Ficarelli

   (Editore Bizzocchi)

Préma pêrt

Rôba 'd cà nôstra

Têrsa pêrt