Poeşéi

(undècima pêtrt)
Casella di testo: I bias cas feva la nona (*) La nona la-s-feva i bias a noeter ragas, In fond in fona in eren pò eter che l'antenati d'iodieren omogeinizzati. La biaseva i grosten 'd pan da ster sduda in dal scranon e còi du dii d'na man la-i- pogeva sul grumbialon. Per contenter tot quant, la fèva-l- "col longh "... .povrèta, seg-sugheva-1 canalòs, cun la testa c'mè-n sambot l'andeva su e zò, come un ch 'an dis mai 'd-nò. Quanti sacrifési sol p 'r-amor sensa mei feres pagher, mai avuu 'd-pretesi, cun nov ragas e desdot man semper tesi. Provei a immaginer quanta brìsa e quant grosten c 'nal zunzei e sol un dent l'impasteva, pian pianen. Al tort c'a gheven, l'era sol d'èser povrèt, ma la fam l'è uguela per tut, brut o bèi, pulii o melnèt, sgnor o povrèt anch s'a s'eren di brut vilan, di contaden, as sentev 'n'orgoglios e as vreven tant ben, e se despès a spuseven de stala, opure 'd-sudor, an-n 'era mea un motiv d-disonor, e sun sicur che nison, propia nison, prova dir c'à spusesen ed coion! Sergio Subazzoli (*) dal léber: " Quand al dialét l'era 'l pan di povrét" Racconti Casella di testo: El mistoch (*) Stavolta e v' insgnaró cm' as fa 'l mistoch, Ch' 1' é roba ch' as fa prest, ch' 1' as fa coun poch: As tós un pô 'd fareina ed furmintoun, As grata a mot la scorza d' un limoun, Agh vól un puchin 'd zóccher, dl'óva passa, Ed colla bella, bouna, sana e grassa; S' av per, zuntégh appeina un pô 'd botér, E pò armes-cèe beint tòtt souvra '1 tolér. Tulì dl 'acqua buìnta e pó butela In zémma a cl' etra roba, e alloura mnèla. Fèe un bell pastoun, e quand 1'é mnèe cma va, Fèe del mistoch — che tòtt e sann cm' as fa — Mandèi al fouren fèi còser bein, E pò sintii che pèren zucarein. Amerigo Ficarelli

(*) dal léber "La vètta e 'dl om"

                     Bizzocchi Editore
Casella di testo: Amarcord (*) Mezdé sunèe: «es vèd bàleer la vècia» a la randa dal soul souvr'al furmèint... un falchètt al fà l'ànzel e a's ghe spècia a èli avèrti fèir'm in sém al vèint. A cò dal bzòl a gh'è la quèrsa granda, e l'òmbra la se sleerga in mèzz al fèin... la sigheela lasò, tra gianda e gianda, la sfrèiga int l'òura chèlda i sòo cantèin! Lòng al sintèr a cgnòss 'na funtanèina: un òc d'argijnt ch'el guerda 'd sòtt al fràsch... la m'aspèta ànch incòo la «sgarzulèina», e intànt la tòos sò l'aqua con al fiàasch... L'ée 'na svépra salvadga, l'ée spetnèda, però l'ée bèla come i sòo vijnt àn... e cm'a la 'm vèd, la scàpa ed gran vulèda per feeres pò ciapèr lé pòoch lùntan. La còrr sò pr'al sinteer, e con 'na scusa la 's vòlta indrèe, la réd con di squasèin, egh trèm la vòus, la lànsa un pò confusa l'òmbra 'd la quèrsa e l'udòur 'd fèin!... ... Ricòrd... ricòrd ed 'na stagiòun pàseda ch'i'm dìsen «Tòurna, tòurna fin ché sò, a t'aspetòm, et cgnòss incòr la streeda, vijn a càtèer un pcòun 'd la giuventò!». E mè, che ormai a j'ò méss sò la pansa, la tèsta grisa e con un pò d'àfan, a sòun turnèe lasò, con la speransa d'arnuvèer un ricòrd dòp a treint'àn... La piana dal furmèint adèss l'ée in sèlda... a'l fèelch e gh'à pinsèe un quèlch casadòur... la funtana csé frèsca int l'òura chèlda e l'à guastèeda i céngol di tratòur... In sém al bzòl an gh'é gnàn piò la quèrsa: 'na chèeva ed tèra ròsa a gh'ò catèe... 'na frijda sangunèinta, acsé spèrversa, còn un spulvràas che 'l fà rèster al fièe! E lée?... chisà 'n do' l'ée la «sgarzulèina»... però l'é 'd mèj che 'm la ricòrda acsè: quànd col fiàasch, in pè a la funtanèina, la m'aspetèva int l'òura dal mezdé! Ricòrd... ricòrd ed 'na stagiòun pàseda per mé... per lèe... e ch'i s'en pèrs lasò... a ghé armèes sòul la pòulvra ed la càreda e l'àscra d'un istèe che 'n tòurna pjò! Luigi Ferrari

 (*) da:

www.dialettando.com

Dècima pêrt

Rôba 'd cà nôstra