Poeşéi

(préma pêrt)
Casella di testo: Qui da la tèsta quèdra (1) Qui da la tèsta quèdra: 'na Famía ed ginta che la sta tra 'l Cuzna e 'l Po; tra 'l Sècia e l'Einsa: agh pièz la poesia, specialmeint in diaièt arzàn, e tgnir só al bèli tradisioun di teimp pasè! a san réd'r e cantèr in compagnia, èser di arzàn come 'gh n'é seimper stè, e come speròm che anch in futur 'gh 'in sia. Arzàn vol dir di gran lavoradór che dróven al zervél in col che fan; e « testa quèdra » lé tétol d'onór: i 'spìgh sèrven a roumper dmèi che i tònd i mùr d'incomprensioun che i òmen àn tire so per divéd'r al gint dal mònd! Enzo Rozzi Casella di testo: Sun un poeta arzàn (1) Sun un poeta arzàn: l'é mia che 'm sógni d'éser brèv, spiritous c'me don Bédógni, e manco meno che 'l me stòri arzàni pòsen scurèr la fama ed Ramusani; e gnanca a crèd al me rèmi sì bèli da scomodèr al nom ed Ficarèli Am guèrd bein ed pinsèr che 'l me paròli sapien turbèr, ànch da luntan, Davoli. L'è che qui là, sì brèv, an gh'ìn mia piò! Agh vól un quelchidun per tórel só 'ste dialét, e me, gint, fagh còl che pòss! Còst, perche 'n dzìdi mia che sun in tòrt, o che, cun l'intensioun de scurzèr fòrt come i me pèder... 'm la sun fata adòss! Enzo Rozzi Casella di testo: Al cor di arzan L'é bon al ''cervellòun'' di Milaneis j' in bon i maccaron Napolitan, Bona la murtadella di Bulgnèis I zampon 'd Modna, e i rebiulein Pramsan Bona la persicheda di Seineis, La musterda d' Chermouna e i vein 'd Scandian, Sé; tutti boni cos in punto apptit; Mo al cor di Arsan an s' catta in nissun sit. Ferrante Bedogni Casella di testo: Stèla matutèina (*) Da cech amireva na stèla cla spunteva vers matèina, second me la s'asvinèva a fìscèrla in mès al ciél Davanti al vach d'eschèlsa per la stòpia cun i sfrùcc mèintr'andèven a rer la tèra me agh parleva pian pianèin. Stèla matutèina...... Al me papà a man dèt cl'è in ciél degh cal torna che da me e c'am porta in dal lèt grand se nò am dorom in mès ai camp. Déghel c'am vègna a tór e c'am porta in dal su let in do as fa la scaverióla dop am cunta pù nà fòla. Longa.. .Longa.. .Longa... (A gh'era na volta un putìn cichìn, cichìn come te, al ciamèven Solicello perché al gh'era da per lù) Papà, cuntom còla le, Longa longa fin ad matèina deghel te stèla matutèina. Casella di testo: Adam é Eva (1) Quand i àn pru vèd'r inséma dal portoun dal Dòm, Adam é Eva, i caplavór dal grand artésta che l'éra Prosproun Spani, i arzàn i àn fat un grand armór! Specialmeint i bigòt àn fàt di squès! « Nûd in Céza! 'N gh'é mia pió 'd religioun! » a z-braièven « l'é ròba da san Tmèz! » « Fègh 'na camisa, alméno, sporcacioun! » Giròlda Fiordibèli, in tèsta a tót, lé córsa dal scultór a dir' gh éd brót! « Vói mia di nùd a i pé dla mé Madòna! » E péra che Prosproun al gh'âbia dét: « Se si bòuna ed cuntèrom, brèva dona, « com'ér'n i só vistî, gh'i fâgh sobét! ». Enzo Rozzi

(*) Dal léber:

      ''Stèla matutèina''

     ed Valentino Bertani

  (editōr Cmûn 'd Albinèa)

Poeşéi

(1) Dal léber:

 ''Stôri Arzàni''

 (Bizzochi Editore)

Rôba 'd cà nôstra

Secònda pêrt