La Pastarêşa

 

Còl ch' a 'gh vōl per 4 persòuni:

 

150 gr ed furmâj Grâna radû

100 gr ed pân radû

2 ōv pió 'na bâla

1 cucêr ed farèina

1 psigôt ed nōşa muschêda

sêl a piaşèir

 

Preparasiòun:

préma a se şmêrcen, insém a la tulirōla, al furmâj e al pân radû cun la farèina, al psigôt ed nōşa muschêda e al sêl, pó cun j ōv a 's fà un impâst piotôst sôd, dôp a 's râd l'impâst cun 'na raşōra insém a la tulirōla un pô infarinêda, ògni tânt bişògna şmōver i granlèin radû ch' an stâchen mìa tra 'd lōr.

A 's cōs per pôch minût ind al brôd.

 

Nôti:

a sré ed mèj preparêrla al dé préma ed magnêrla, quând la vudê ind al brôd buĵnt vudêla adêşi e smercê cun un cucêr ed lègn l' an dêv mìa fêr i gnôch.

 

 

E... bòun aptît!