Palâs dal Mûnt ed Pietê

 

Tra la pêrta vêrs mezdé ed la Piâsa dal Mûnt e la pêrta a mezanôt ed Piâsa Grânda a gh'é un palâs stôrich: al Palâs dal Mûnt ed Pietê.

 

Un palâs  ch' l' é, bèle da la só nâsita, al cèinter ed la piânta ed la sitê. Insèm al Dôm l'é aşvèin, a la platèia ed Piâsa Grânda l'é 'd drêda, l'êra al ''cōr'' ed la sitê stôrica e dal teritori urganişê. L'é stê l'antîgh pôst dal Palâs Comunêl, fîn al 1414 a ghe stêva al Podestê e int al 1280 l'é stê unî al Palâs dal Capitân dal Pôpol cun un scavalcavéia, în stê separê dal tót int al 1914.

 

Int al 1500 int al Palâs a gh'êra ânca la ''Sêla dal Balòun'', ch' l' ēra al pió impurtânt lochêl sitadèin destinê al teâter e al spetâcol in generêl.

 

Int al 1494 'na pêrta dal Palâs l'é stêda ocupêda dal Mûnt ed Pietê apèina fundê. Ind i sècol gnû dôp l'é stê arnuvê e adatê dimòndi vôlti.

 

Ind la pêrta a mezdé, ch' la dà in Piâsa Grânda a dréta dal balcòun dal Palâs a 's pōl vèder un Calendâri Solêr (francèiş).  Al râg dal sōl che a mezdé al va dèinter al bûş ed la meridiâna al sègna al mèiş ed l'ân insém al sègn strolôgich disgnê cûntr' al mûr.

 

Adèsa int al Palâs a gh'é 'na bânca.

 

Vést da Piâsa Grânda

Vést da Piâsa dal Mûnt