J Ôs bûş a l'arşâna

Col ch' agh vōl per quâter persòuni :

 

4 ôs bûş ed vidèl,

60 gr. ed butēr,

3 gâmbi ed sèler,

3 cucêr 'd ôli bòun,

1 sigòla mèdia,

1 carôtla,

1 spîgh 'd âj (s' al piêş),

1 cucêr ed pomdôr (s' al piêş),

1/2 bicêr ed vèin biânch sèch

brôd, farèina, sêl e pèiver - còl ch' égh và

 

Preparasiòun:

mèter in 'na tègia ôli e butēr e fêr gnîr pâs piân pianèin la verdûra tridêda, oséia sigòla, sèler e carôtla. Dôp avèir lighê cun un fîl da cuşèina j ôs bûş, infarinêri, suaqsêri un pô per tōr via la farèina in pió. Salêr impevrêr e fêr indurêr. Vudêr al vèîn e lasêr şvapurêr. Quacêr j ôs bûs cun al brôd e dôp avèir zuntê al pomdôr lasêr cōşer a fōgh moderê. Quând la chêrna la s'é stachêda un pô da l'ôs, a srân bèle côt.

Servîr chêld, dop avèir tôt via al fîl da cuşèina.

 

Curioşitê:

'na mudéfica de sté risèta l'é un piât ónich che 'na vôlta l'ēra cgnusû dimòndi:

dôp avèir tôt só j ôs bûş, tōr i 2/3 dal cundimèint e pasêrel al şdâs, zuntêregh 250 gr. ed rîş e cōser cun al vudêregh pōch a la vôlta e quând necesâri soquânt mès'c ed brôd, a fîn cutûra, vudê al rîş int al piât ed purtêda e mèter, cme urnamèint,  j ôs bûş, che srân stê tgnû in chêld cun al rèst dal cundimèint,  dôp avèir tôt via al fîl da cuşèina.

 

E...  bòun aptît!