Al Scarpasòun

 

Còl ch' agh vōl:

 

P'r al pést:

1 chîlo e mèz de spinâs o bêdi

1 mâs ed sigulôt cun la gâmba frèsca e vèirda

'na branchêda 'd arbòuni

60 gr ed lêrd ed persót o pansèta

4 cucêr d'ôli bòun

50 gr ed butēr

2 spîgh d'âj

4 o 5 branchêdi ed Grâna radû

sêl

al necesâri ed pèiver

 

Per la pâsta:

200 gr ed farèina

'na nōşa ed destrót

2 cucêr d'ôli bòun

sêl

al necesâri ed pèiver

âcva tèvda al necesâri

 

Per la pâsta cun la ricôta:

220 gr ed farèina

50 gr ed ricôta

'na nōşa ed distrót

2 cucêr d'ôli bòun

sêl

al necesâri ed pèiver

âcva tèvda al necesâri

 

Preparasiòun:

Desfê insém al fōgh al grâs dal persót (o pansèta) cun l'âj schisê e i sigulôt trîde insèm al gâmbi. Zuntê l' ôli e al butēr e, dôp che i sigulôt în dvintê pâs sèinsa bruşêres, unî i spinâs (o al bêdi) che préma i côt e trichê. Lasê insavurîr e sprichê cun sêl e pèiver. Quând al tót al srà frèd, tulî via l'âj e zuntêgh al j arbòuni tridêdi fîni e al Grâna. Preparê la pâsta e, dôp avèirla lasêda arpunsêr per 'na mèz ōra, la dividî in dō pêrti. Tirê 'na préma pêrta cun la canèla, pugêla ind al stâmp bsûnt d'ôli e vudêgh insém al pést. Tirê la secònda pêrt pió sutîla ed la préma, infarinêla e vujêla ind la canèla ânca lê infarinêda: strichê da i dû cò ed la pâsta vêrs al cèinter ed la canèla e lasê blişghêr la pâsta crespêda insém al pést. Dop avèirla bèin sbuşîda cun i dèint ed 'na fursèina, metî al tót ind al fōren préma scaldê a 200°.

Lasê cîrca mèz ōra; un pō préma ch' al 's cōşa dal tót, bşuntê al d'ed sōver cun un pcòun ed lêrd, Turnê a mèter ind al fōren e dôp pôch minût tirê fōra (al tèimp ed fêr deşfêr al lêrd). Servî mìa trôp chêld ( l'è dimòndi bòun ânca frèd).

 

E... bòun aptît